سقى الله الشدائد

[حسين القفيلي]

لعنبو وقتً لبعـض الرخـوم يحدنـا=
أشهد ان المال يرفـع قليليـن الجهـود=
ولعنبـو دنيًـا عليهـم تبيـن سدنـا=
لين واجهنا وجيهً بالقسى كنهـا حيـود=
الوفاء لاهل الوفاء حافظيـن عهدنـا=
والعرب من غير دمها وشيمتها جلـود=
ياعزيز النفـس دربً يـودي ردنـا=
لا تجيبي راعي الذم والنـذل الحقـود=
حالفً لو هو قريبً من اقـرب عدنـا=
لا نجيه وجعل من سار يمه ما يعـود=
والشدايد لي ملت صاعنـا ثـم مدنـا=
الله يجزاهـا بخيـرً تصحينـا رقـود=
نحسبً كلً صديقً علـى اللـي ودنـا=
واثر بين الناس حاقد وكذاب وحسود=
يامشاري عزوتي والزمـان إن هدنـا=
أحفظ لراعي الوفاء ماقفه ظمن العهود=
الرياح تهـب ويطيـر معهـا شدنـا=
والليالي ذقت منها جفاهـا والصـدود=
صيفنا ياعزوتي طال واخلف بردنـا=
والله أللي لوعطا ماعلـى مـده قيـود=
عاتبوني مادروا ويش خافي يدنـا؟!!=
واحسبوا لي راتبي مادروا كله قصـود=
رافعً راسي وإذا الوقت كشـر ضدنـا=
فالثنـاء لله والحمـد ماغـيـره ودود=
والله أن الموجبـه وارده مـن وردنـا=
دام راسي حي ويشم من النسناس نـود=
والله أن ظيف الوفاء لي وطاء في حدنا=
مانخلي واجبه والوفاء سلـم الجـدود=
مانفع قارون ماله وعمـره قـد دنـا=
والغنى بالنفس خيرً وعـز ومحّمـود=
لعنبو وقتً لبعـض الرخـوم يحدنـا=
اشهد ان المال يرفـع قليليـن الجهـود=